CLAUSTRO
DE PROFESORES
O claustro do centro reunirase, en
sesión ordinaria, alomenos unha vez ó trimestre.
As competencias do Claustro de profesores
son segundo o artigo 47 do DOG. do 9 de agosto 1.996:
- Elevar ó equipo directivo propostas
para a elaboración dos proxectos educativo e curricular do centro e
da programación xeral anual.
- Aprobar e avalia-los proxectos
curriculares e os aspectos docentes da programación xeral anual, conforme
ó proxecto educativo do centro.
- Promover iniciativas no ámbito
da experimentación e da investigación pedagóxica e na formación do profesorado
do centro.
- Elexi-los seus representantes no
Consello Escolar do instituto e no consello directivo do centro de formación
continuada do profesorado.
- Propoñer todo tipo de iniciativas
que tendan a mellora-lo funcionamento do centro en calquera dos seus
aspectos.
- Aproba-los criterios pedagóxicos
para a elaboración dos horarios dos alumnos.
- Aproba-la planificación xeral das
sesións de avaliación e cualificación e calendario dos exames ou probas
extraordinarias.
- Analizar e valora-lo rendemento
escolar do centro mediante os resultados das avaliacións e outros parámetros
que se consideren pertinentes.
- Coñece-las candidaturas á dirección
e os programas presentados polos candidatos.
- Coordina-las funcións referentes
a orientación, titoría, avaliación e recuperación dos alumnos e alumnas.
- Analizar e valora-los resultados
da avaliación que do centro realice a Administración educativa ou calquera
informe referente á súa marcha.
- Colaborar coa inspección educativa
nos planos de avaliación do centro.
Os órganos colexiados reuniranse preceptivamente
en sesión ordinaria unha vez por trimestre e sempre que os convoque o
seu presidente ou o solicite un tercio, polo menos, dos seus membros.
Neste último caso, o presidente realizará a convocatoria no prazo máximo
de vinte días a contados desde o seguinte día a aquel no que se presente
a petición. A sesión celebrarase como máximo no prazo dun mes a contado
desde o día seguinte á entrega da petición de convocatoria.
En todo caso reuniranse ó inicio e
remate de curso.
|
