CONTIDOS DA ASIGNATURA

Primeiro curso.

I. Materiais de uso técnico.
-Materiais de uso habitual: clasificación xeral.
Materiais naturais e transformados.
-A madeira: constitución. Propiedades e caracte-rísticas.
Madeiras de uso habitual. Identificación de madeiras naturais e transformadas. Derivados da
madeira: papel e cartón. Taboleiros artificiais. Aplicacións máis comúns das madeiras naturais e
manufacturadas.
-Técnicas básicas e industriais para o traballo con madeira. Manexo de ferramentas e uso seguro delas.
-Elaboración de obxectos sinxelos empregando a madeira e os seus transformados como materia fundamental.

II. Técnicas de expresión e comunicación gráfica.
-Instrumentos de debuxo: de trazado e auxiliares.
Realización de debuxos sinxelos utilizando a regra,
-O escuadro, o cartabón e o compás. Metroloxía básica: a regra graduada, o transportador e as cintas métricas.
-Soportes: tipos de papel.
-Bosquexo e esbozo como ferramentas de traballo e comunicación.
-Representación de obxectos mediante a descomposición en vistas. Introducción intuitiva á representación en perspectiva.

III. Estructuras e mecanismos.
-Tipos de estructuras resistentes: masivas, entramadas, colgadas e estructuras de barras. Triangulación. Esforzos básicos. Elementos resistentes. Aplicacións.
-Identificación de elementos básicos en estructuras convencionais: cimentación, soportes, vigas e forxados.

IV. Electricidade e electrónica.
-Introducción á corrente eléctrica.
-Descrición de elementos eléctricos simples: pila, interruptor e lámpada. Introducción ó circuíto en serie e en paralelo. Efectos da corrente eléctrica: luz e calor. Análise de obxectos técnicos que apliquen estes efectos.
-Aplicación práctica destes conceptos á elaboración de circuítos sinxelos.

V. Tecnoloxías da información.
-O ordenador e os seus elementos, funcionamento e manexo básico. Descrición básica de CPU e peri-féricos: monitor, teclado, rato e impresora.
-O ordenador como ferramenta de expresión e comunicación de ideas: procesadores de texto. Edición de arquivos. Táboas e gráficos nun texto. Introducción a outras aplicacións ofimáticas.
-O ordenador como ferramenta de busca de información: enciclopedias virtuais e outros soportes.

VI. A internet e as comunidades virtuais.
-Busca de información a través da rede internet.

VII. Tecnoloxía e sociedade.
-A tecnoloxía como resposta ás necesidades humanas: fundamentos do labor tecnolóxico.
-O proceso inventivo e de deseño: identificación do problema ou da necesidade, exploración e investigación do contorno, busca de información, resolución de problemas, planificación e organización de tarefas, xestión e valoración de traballos.

VIII. Actitudes, valores e normas.
-Interese pola axeitada realización de tarefas e a correcta presentación dos traballos técnicos desenvolvidos.
-Aceptación das directrices de uso seguro e de conservación de ferramentas, así como de consumo de materiais na aula taller de tecnoloxía.
-Interese na adquisición de destrezas de representación gráfica para a descrición técnica de obxectos.
-Curiosidade por coñecelos diferentes tipos de estructuras empregadas para a solución de problemas constructivos.
-Sensibilidade diante dos riscos da electricidade e no proceso de recollida selectiva de materiais de refugallo, como por exemplo as pilas, na reutilización e na reciclaxe de materiais.
-Interese por coñecelas posibilidades do ordenador e da internet como importantes ferramentas da tecnoloxía.
-Valoración da incidencia da innovación tecnolóxica no ámbito do traballo e da calidade de vida.
Subir

Segundo curso.
Contidos.

I. Materiais de uso técnico.
-Materiais férricos. O ferro: extracción, fundición e obtención do aceiro. Propiedades características: mecánicas, eléctricas e térmicas. Aplicacións.
-Metais non férricos: cobre e aluminio. Obtención e propiedades mecánicas, eléctricas e térmicas. Aplicacións.
-Técnicas básicas e industriais para o traballo con metais. Manexo de ferramentas e uso seguro delas.

II. Técnicas de expresión e comunicación gráfica.
-Sistemas de representación. Perspectiva. Normalización: formatos.
-Proporcionalidade entre debuxo e realidade. Escalas. Acoutamento.
-Metroloxía: uso do calibre.

III. Estructuras e mecanismos.
-Descrición e funcionamento de mecanismos de transmisión e transformación de movementos: pan-cas, poleas, engrenaxes, parafuso sen fin, piñón e cremalleira, leva, roda excéntrica, biela e manivela.
-Relación de transmisión. Aplicacións.
-Descrición do funcionamento de máquinas simples e identificación destas en dispositvos de uso habitual.

IV. Electricidade e electrónica.
-Circuíto eléctrico: voltaxe e intensidade. Lei de Ohm. Circuíto en serie, paralelo e mixto. Simboloxía.
-Efectos da corrente eléctrica: electromagnetismo. Aplicacións.
-Máquinas eléctricas básicas: dínamo e motor de corrente continua. Xeración de corrente eléctrica. Alternador.
-Aplicacións dos elementos eléctricos de forma práctica nalgún proxecto sinxelo.

V. Enerxía e a súa transformación.
-Fontes de enerxía: clasificación xeral. Fontes de enerxía renovables e non renovables.
-Combustibles fósiles: petróleo e carbón. Biocombustibles.
-Transformación de enerxía térmica en mecánica: a máquina de vapor, o motor de combustión interna, a turbina e o reactor. Descrición e funcionamento.

VI. Tecnoloxías da información.
-Compoñentes do ordenador: elementos de entrada, saída e proceso. Periféricos habituais.
-Introducción ó conexionado de periféricos á CPU.
-Ferramentas básicas para o debuxo vectorial e o grafismo artístico. Aplicación xenérica dalgún programa de debuxo e deseño.
-Iniciación á folla de cálculo. Fórmulas. Elaboración de gráficas.

VII. A internet e as comunidades virtuais.
-O ordenador como medio de comunicación: a internet. Páxinas web. Correo electrónico. Emprego práctico destas ferramentas.

VIII. Actitudes, valores e normas.
-Disposición positiva a colaborar en pequeno grupo, nun clima de confianza, na busca de solucións técnicas a un problema práctico.
-Interese na precisa descrición técnica de mecanismos e circuítos, utilizando correctamente a metroloxía e os sistemas de representación gráfica.
-Respecto polas instruccións para a correcta utilización de máquinas e instrumentos na aulataller de tecnoloxía.
-Sensibilidade e aceptación das normas e das medidas para propicialo aforro enerxético e minimizalos impactos ambientais da utilización das combustións e dos motores.
-Recoñecemento da internet como medio de comunicación e valoración crítica da información dispoñible segundo as fontes.

Subir

Terceiro curso.
Contidos.

I. Materiais de uso técnico.
-Introducción ós plásticos: clasificación. Obten-ción.
Propiedades características. Aplicacións en vivendas.
-Técnicas básicas e industriais para o traballo con plásticos. Ferramentas e uso seguro das mesmas.
-Materiais de construcción: pétreos e cerámicos.
Propiedades características.

II. Electricidade e electrónica.
-Circuíto eléctrico: corrente alterna e corrente continua.
Potencia e enerxía eléctrica. Montaxes eléctricos sinxelos: circuítos mixtos.
-Manexo do polímetro dixital. Realización de medidas sinxelas.
-Introducción á electrónica básica: o transistor como interruptor en montaxes básicos. O circuíto
integrado.
-Aplicación de elementos eléctricos nalgún circuíto sinxelo e realización de medidas Elementais.

III. Enerxía e a súa transformación.
-Enerxía eléctrica: xeración, transporte, distribución e consumo. Centrais. Aforro enerxético.
-Tratamento de emisións e de residuos.
-Fontes de enerxía renovables: sistemas técnicos para o aproveitamento da enerxía eólica, solar e da biomasa.

IV. Instalacións técnicas.
-Subministracións á vivenda: instalacións eléctrica, de gas, de calefacción, de auga e de saneamento.

V. Tecnoloxías da información.
-Arquitectura e funcionamento do ordenador. Compoñentes internos: descrición e funcionalidade.
-Introducción ós conceptos de sistema operativo e de programa. Linguaxes para o desenvolvemento de aplicacións.
-Organización da información: xestor de bases de datos. Busca de información, creación e actualización dunha base de datos.

VI. Tecnoloxías da comunicación.
-Comunicación con fíos e sen fíos. Telefonía, radio e televisión. O espacio radioeléctrico.

VII. A internet e as comunidades virtuais.
-O ordenador como ferramenta de comunicación: comunidades e aulas virtuais. Chats e videoconferencia. Mensaxería instantánea.
-Elaboración de páxinas html. Publicación dun web.

VIII. Control e robótica.
-Máquinas automáticas e robots: automatismos.
Arquitectura dun robot. Elementos mecánicos e eléctricos para que un robot se mova.

IX. Tecnoloxía e sociedade.
-Tecnoloxía e ambiente: impacto ambiental do desenvolvemento tecnolóxico. Contaminación. Esgotamento dos recursos enerxéticos e das materias primas.Tecnoloxías correctoras. Desenvolvemento sustentable.

X. Actitudes, valores e normas.
-Actitude de cooperación responsable nas tarefas de equipo para o deseño, a realización e a avaliación dun traballo técnico.
-Valoración das normas de seguridade e higiene na aulataller de tecnoloxía e consideración dos perigos que comporta o uso dos seus equipos e instalacións.
-Interese por coñecelos distintos materiais constructivos empregados na realización de infraestructuras e instalacións nas edificacións.
-Valoración da transcendencia das aplicacións da electrónica na sociedade actual e interese pola busca de novas posibilidades de utilización destes dispositivos.

-Corresponsabilidade na elaboración e na difusión de informacións vía web e respecto polas persoas e polas súas opinións ó participar en encontros na internet.
-Sensibilidade diante do impacto ambiental do desenvolvemento tecnolóxico e cooperación na utilización axeitada dos recursos naturais e na conservación do ambiente, especialmente en Galicia.

Criterios de avaliación.

* Citar propiedades básicas dos plásticos como materiais técnicos, enumerar algunhas das súas
variedades máis utilizadas, indentificándoas nos obxectos e nas aplicacións técnicas máis usuais, e empregar técnicas básicas de conformación, unión e acabamento de forma correcta, mantendo os criterios de seguridade axeitados.
* Montar circuítos sinxelos, a partir dun esquema predeterminado, con compoñentes electrónicos como resistencias, condensadores, bobinas, díodos e transistores.
* Identificalos elementos máis usuais que compoñen a rede eléctrica dunha vivenda tipo sinxela, tanto no seu esquema eléctrico como na propia instalación, e describir brevemente a súa función.
* Identificalos elementos que constitúen a arquitectura física dun ordenador tipo e os procesos lóxicos que explican o seu funcionamento básico.
* Recompilar e procesar información nun xestor de bases de datos, actualizando e modificando rexistros e táboas e creando algunha base de datos sinxela.
* Utilizalos servicios da internet para buscar información, enviar e recibir correo electrónico, contactar coa mensaxería instantánea e comunicarse por chat e conferencias en audio-vídeo.
* Describir esquematicamente os sistemas de telefonía con fíos, radio e televisión e os principios básicos do seu funcionamento elemental.
* Identificar automatismos nalgún sistema técnico sinxelo e describir elementalmente a función que desenvolven.
* Montar, utilizando sistemas mecánicos-eléctricos e seguindo instruccións, un robot sinxelo capaz de realizar algún movemento elemental dirixido e controlado.
* Enumerar algunha achega da tecnoloxía ó desenvolvemento da humanidade e á mellora das condicións de vida e da saúde, identificar algún impacto singular sobre o medio ambiente producido por esa actividade tecnolóxica e formular algunha proposta para reducilos custos medio ambientais implicados, como por exemplo o aforro enerxético e o tratamento de residuos.
Subir

Cuarto curso.

Contidos.

I. Técnicas de expresión e comunicación gráfica.
-Introducción ó debuxo asistido por ordenador:debuxo en dúas dimensións.
-Realización de debuxos elementais con algún sistema sinxelo de debuxo asistido por ordenador.

II. Electricidade e electrónica.
-Descrición e análise de sistemas electrónicos por bloques: entrada, saída e proceso.
-Elementos básicos de circuítos electrónicos simples: a resistencia, o condensador, o diodo, o transistor e o circuíto integrado.
-Dispositivos de entrada: interruptores, resistencias que varían coa luz e coa temperatura. Dispositivos de saída: zoador, relé e led. Dispositivos de proceso: os integrados.
-Aplicacións en montaxes sinxelas.

III. Tecnoloxías da información.
-O ordenador como dispositivo de control: sinal analóxica e dixital.
-Adquisición de datos. Programas de control. Tratamento da información numérica a través de follas de cálculo.
-Comunicación entre ordenadores: redes informáticas.

IV. Tecnoloxías da comunicación.
-Comunicación sen fíos.
-Comunicación vía satélite, telefonía móbil. Descrición e principios técnicos.
-Grandes redes de comunicación de datos. Control e protección de datos.
-A internet e comunidades virtuais.
-A internet. Descrición. Principios técnicos do seu funcionamento. Tipos de conexións. Comunidades e aulas virtuais.

V. Control e robótica.
-Percepción do contorno: o sensor.
-Control do robot: programación. Realimentación do sistema.

VI. Tecnoloxía e sociedade.
-Tecnoloxía e seu desenvolvemento histórico. Fitos fundamentais: revolución neolítica, revolución industrial e aceleración tecnolóxica do século XX.
Interrelación entre tecnoloxía e cambios sociais e laborais. Evolución dos obxectos técnicos co desenvolvemento dos coñecementos científicos e tecnolóxicos, as estructuras socioeconómicas e a dispoñibilidade de distintas enerxías.

VII. Actitudes, valores e normas.
-Disposición e iniciativa persoal para organizar e xestionar corresponsablemente un proxecto tecnolóxico en equipo.
-Valoración das aplicacións informáticas e dos servicios da internet para a formulación e a comunicación dun proxecto tecnolóxico.
-Toma de conciencia da importancia das redes de comunicación na difusión mundial da información, considerando especialmente aspectos como a celeridade, o alcance global e a protección dos datos.
-Valoración das aplicacións do control e da robótica na sociedade actual e das súas repercusións na dispoñibilidade de productos e servicios.
-Interese por coñecelos fitos fundamentais das revolucións tecnolóxicas ó longo da historia e valoración crítica das interrelacións entre a tecnoloxía e os cambios sociais e laborais. Criterios de avaliación.
* Representar graficamente un obxecto ou mecanismo tecnolóxico sinxelo, utilizando algún programa elemental de deseño asistido por ordenador.
* Identificalos bloques de entrada, proceso e saída dun sinxelo sistema electrónico real e describir brevemente as súas funcións elementais.
* Montar algún sistema electrónico sinxelo, a partir do seu esquema, empregando bloques de entrada, proceso e saída.
* Utilizar unha folla de cálculo para o tratamento primario dunha pequena cantidade de información numérica e realizar algunha análise sinxela de pautas de comportamento.
* Describir superficialmente os elementos básicos dunha rede sinxela de ordenadores de área local e da rede internet, e instalar, coa axuda de asistentes respectivos, unha conexión de acceso á rede.
* Formular unha descrición básica dos elementos e do funcionamento dun sistema de comunicacións por telefonía, fixa e móbil, e vía satélite.
* Montar un sinxelo robot que incorpore algún sensor primario de adquisición de información do contorno e desenvolver un pequeno programa que permita controlalo e posibilite o seu funcionamento autónomo, en función da realimentación dunha variable.
* Adquirir e interpretar datos dalgunha variable elemental dun proceso sinxelo do contorno utilizando o ordenador e deseñar algunha realimentación elemental cos datos obtidos.
* Enumerar algún fito fundamental do desenvolvemento tecnolóxico e da evolución dos obxectos e dos sistemas técnicos, sinalando algunha das súas repercusións nos ámbitos sociais e laborais.
* Seleccionar e analizar elementalmente algunha sinxela medida, das posibles, para favorecelo desenvolvemento sustentable nun ámbito tecnolóxico concreto.

Subir