O día 14 de novembro de 2007 e invitada polo grupo de actividades da Biblioteca e polo Departamento de Matemáticas, honrounos coa súa visita María Wonenburger Planells, unha das científicas máis importantes da historia do noso país, participando nunha charla coloquio coas alumnas e alumnos de 4 ESO e 1º e 2º de BAC.

Nos días previos, o alumnado prepararou a visita informándose da vida e da actividade profesional desta gran muller, a través dunha exposición de prensa exposta no vestíbulo do instituto.

Durante dúas horas disfrutamos dun agradable coloquio con María onde demostrou que, ademais das súas capacidades matemáticas, ten un trato moi cercano e un gran sentido do humor.

A través das preguntas dos rapaces María foi desgranando a súa vida e os seus recordos, e
animou a tólolos alumnos e alumnas a viaxar como forma de aumentar a súa bagaxe persoal