¿En que consiste?

Nesta sección haberá un problema matemático proposto polos nosos visitantes. O contido, materia, dificultade, etc. serán os propios de calquera dos niveis e modalidades da Educación Secundaria. Xunto a el figurará a data en que foi colocado. E como mínimo permanecerá UN MES.
Para propoñer un problema e colocalo en lugar do que hai só fan falla dous requisitos:
· Ser estudante de Secundaria.
· Resolver o problema que hai.
Se así o desexan, os que resolvan os problemas, poderán facer figurar o seu nome xunto cos días que estivo o problema sen resolver.

¿Que é o que hai que facer?

En primeiro lugar resolver o problema formalmente, é dicir, seguindo os métodos da Matemática e utilizando as súas ferramentas, conceptos e procedementos.
En segundo lugar enviar a solución obtida e a descrición do procedemento utilizado de igual forma a como se faría nun exercicio escrito. Esta solución será enviada por correo á Secretaría do Centro (I.E.S. Poeta Díaz Castro, r/ Xermade s/n, 27.300 Guitiriz (Lugo)) ou por unha mensaxe de correo electrónico á dirección: ies.diaz.castro@edu.xunta.es, indicando os datos da persoa que resolveu o problema e o seu enderezo.

Podedes contactar con nosco a través do blog que aparece na parte inferior esquerda da páxina principal.

AS SOLUCIÓNS APARECERÁN O DÍA 30 DE OUTUBRO DE 2006

PROBLEMA DE OUTUBRO

PARA O 1º CICLO DA E.S.O.

Un rato tarda 12 segundos en dar a volta a unha pista circular, mentres que a outro rato lle custa 16 segundos. Os dous saen ao mesmo tempo da saída e a carreira remata 1 minuto 40 segundos máis tarde.
¿Cantas veces, durante a carreira, se atopan simultáneamente na liña de saída?

Solución

PROBLEMA DE OUTUBRO

PARA O 2ª CICLO DA E.S.O.

Nun zoolóxico, a cebra, a lebre e o elefante están a dieta de cenorias. A lebre nun ano, ou sexa, 365 días, come a mesma cantidade de cenorias que o elefante come en dous días, e o que come o elefante nun día é o que come a cebra en cinco.
Nun día entre estes tres animais comen 55 quilos de cenorias. ¿Canto come cada un ao día?

Solución