Táboa Periódica

 

O sistema periódico dos elementos é unha táboa que os agrupa de xeito que poden apreciarse facilmente os grupos de comportamento químico parecido.

Están ordenados en orde crecente dos seus números atómicos.

Os elementos que posúen propiedades parecidas atópanse na mesma columna formando un "grupo ou familia". Os elementos dunha mesma fila forman un "período".

Existen 16 familias. Oito de elas noméanse cun número romano seguido dun 'A' e as outras oito cun 'B' (a clasificación da IUPAC non diferencia entre A e B, senón que as numera correlativamente, empezando pola esquerda). Ós grupos que teñen o 'A', se lles coñece como 'grupos representativos'. Os grupos 'B' reciben o nome de 'grupos de transición' e os que se distribúen desde o La (Lantano) ó Lu (Lutecio), e do Ac (Actinio) ó Lr (Laurencio), reciben el nombre de 'grupos de transición interna'.

En canto ós períodos,comezan sempre (excepto o primeiro) cun metal alcalino (IA) e terminan cun halóxeno (VIIA) seguido dun gas nobre (VIIIA), que é o que cerra o período. En liñas xerais, os metais ocupan a parte esquerda e central da táboa, mentres que os non metais se sitúan á dereita. Polo tanto dedúcese que as propiedades dos elementos son función do lugar que ocupan os elementos na táboa. A clasificación é a seguinte:
Gases Nobres Estes elementos teñen completa a súa derradeira capa orbital e, debido a iso, son moi reacios a combinarse quimicamente con outros elementos. Tódolos gases nobres atópanse principalmente no aire, agás o radón, que é un producto da desintegración do radio e á súa vez, desintégrase noutros elementos.
Non Metais Son elementos que dificilmente ceden electróns e si teñen tendencia a captalos. Na súa gran maioría son gases ou líquidos, son malos conductores da calor e da electricidade e, xeralmente, non presentan brillo.
Semimetais

Son metais que non cristalizan nos sistemas representativos dos elementos metálicos(en redes cúbicas de caras centradas, redes cúbicas centradas no corpo, ou empaquetamentos hexagonais compactos). A súa conductividade eléctrica é elevada e aumenta cando se funden. Teñen tendencia a formar combinacións entre eles e cos metais propiamente ditos. Chámaselles tamén metais de segunda especie.
Metais Caracterízanse por posuír brillo metálico. Teñen estructura cristalina e son bos conductores da calor e da electricidade. Son sólidos a temperatura ordinaria, agás o mercurio, que é líquido. Presentan outras propiedades coma a opacidade, a dureza, a ductilidade, a maleabilidade e a fusilidade. Tamén poden alearse con outros metais. Desde o punto de vista electrónico, teñen tendencia a ceder facilmente electróns e non presentan tendencia a gañalos.
Terras Raras

É un grupo de metais. Forman dous grupos especiais:

* os lantánidos, derivados do lantano, con propiedades moi similares todos eles e poden agruparse en tres familias: a do cerio, a do terbio e a do itrio. Atópanse formando compostos; son bastante activos e únense directamente co osíxeno e co nitróxeno. Agás o cerio, teñen poucas aplicacións.

* os actínidos, derivados do actinio; moi parecidos todos entre si. Comprende ó torio, protactinio, uranio e os dez elementos transuránidos que seguen. Algúns deles son radioactivos.

 

 

Aquí tedes unha Táboa Periódica para que vos divirtades un pouco vendo a relación entre o nome e as caricaturas. Esperamos que vos guste.

 

 

 

Agora en serio. Aquí vos vai unha Táboa Periódica ben completiña, con moitísima información que desexamos vos sexa útil.

 

 

 

(Volver á páxina principal)