Exames de selectividade

 

O exame de QUÍMICA  das PAAU cambia a estructura a partir das próximas probas de xuño de 2006. O cambio radica SOAMENTE na organización do exame e NON no tipo de pregunta pois iso séguese mantendo. O exame terá a seguinte estructura:

 

*    CUESTIÓNS:

Plantexaranse tres cuestións das que o alumno ou a alumna soamente terá que respostar a dúas delas.

 

*    PROBLEMAS:

Tamén se plantexarán tres problemas e o alumno ou a alumna respostará a dous deles.

 

*    PRÁCTICAS:

Plantexaranse dúas prácticas e o alumno ou a alumna terá que respostar a unha delas.

 

A puntuación de cada unha das CINCO preguntas que terá que respostar é de 2 puntos.

Haberá unha pregunta máis (serán cinco en lugar de catro), pero estarán plantexadas con menos apartados, máis curtas para que o alumno ou a alumna poda respostar comodamente no tempo establecido para facer o exame.

Deste xeito o alumnado terá máis optatividade pois as combinacións posíbeis aumentan en relación co modelo de exame anterior onde cada unha das dúas opcións eran pechadas.

 

Os alumnos e as alumnas poderán utilizar calculadora non programable e co exame se lles facilitará unha Táboa Periódica.

Os alumnos e as alumnas disporán de 1hora e 30 minutos para a realización da proba.

 

2001 - 2006 . Exames e criterios de avaliación das convocatorias de xuño

e de setembro dos anos 2001 ata o 2006, ámbolos dous incluídos.

 

 

O exámen de FÍSICA   das P.A.A.U. cambia de estructura. Este cambio entra en vigor no curso 2006-2007. Consiste no seguinte:

O exame estructúrase en seis bloques, que son os cinco temas da disciplina: Gravitación; Ondas; Electromagnetismo; Óptica; Física Moderna e un sexto bloque adicado ás Prácticas de Laboratorio.

Séguense outorgando 6 puntos ós problemas, 3 puntos ás cuestións e 1 punto á práctica.

O exame constará de problemas e cuestións dos cinco temas e prácticas repartidos do seguinte xeito:

 

* 1º BLOQUE (puntuación 3 puntos)

Dous problemas dun tema concreto (por exemplo, Gravitación). Cada un con tres apartados. Un deses apartados pode ser unha pequena cuestión de teoría relacionada co problema. Cada apartado puntúa 1 punto. O/a alumno/a elixirá un dos dous problemas.

* 2º BLOQUE (puntuación 3 puntos)

Dous problemas pero doutro tema (por exemplo, Ondas). Cada un con tres apartados. Un deses apartados pode ser unha pequena cuestión de teoría relacionada co problema. Cada apartado puntúa 1 punto. O/a alumno/a elixirá un dos dous problemas.

* 3º BLOQUE (puntuación1 punto)

Dúas cuestións dun tema diferente ós dous anteriores (por exemplo, Electromagnetismo). Formúlanse como se está a facer agora; danse tres respostas, para que elixa a correcta e a razoe. O/a alumno/a elixe unha das dúas cuestións.

* 4º BLOQUE (puntuación1 punto)

O mesmo co terceiro pero sobre un tema diferente ós dous anteriores (por exemplo, Óptica). Formúlanse como se está a facer agora; danse tres respostas, para que elixa a correcta e a razoe. O/a alumno/a elixe unha das dúas cuestións.

* 5º BLOQUE (puntuación1 punto)

O mesmo co cuarto pero sobre un tema diferente ós dous anteriores (este xa sería de Física Moderna). Formúlanse como se está a facer agora; danse tres respostas, para que elixa a correcta e a razoe. O/a alumno/a elixe unha das dúas cuestións.

* 6º BLOQUE (puntuación1 punto)

Unha cuestión referente ás prácticas.

 

Deste xeito, séguense a manter dous problemas (pero con maior optatividade, pois elixe entre catro posibles dous a dous); tres cuestións (pero elixe entre seis dúas a dúas); e unha cuestión referente a unha das prácticas. O aumento de opcionalidade, evidentemente, favorece ó alumnado.

Os alumnos e as alumnas disporán de 1 hora e 30 minutos para a realización da proba.

Poderán utilizar calculadora non programable .

 

2001 - 2006 . Exames e criterios de avaliación das convocatorias de xuño

e de setembro dos anos 2001 ata o 2006, ámbolos dous incluídos.

 

 

(Volver á páxina principal)