* As ciencias teñen as raíces amargas, pero moi doces os froitos.

* A intelixencia consiste non só no coñecemento, senón tamén na destreza de aplica-los coñecementos na práctica.

* O amor ou o odio fan que o xuíz non coñeza a verdade.

* O home está sempre disposto a negar todo aquelo que non comprende.

* O home ten mil plans para si mesmo. O azar, só un para cada un.

* O sabio non di xamais o que pensa, pero sempre pensa o que di.

* Hai a mesma diferencia entre un sabio e un ignorante que entre un home vivo e un home morto.

* A esperanza é o soño dun home desperto.

* O ignorante afirma; o sabio duda e reflexiona.

* A sabiduria é un adorno na prosperidade e un refuxio na adversidade.

 * Nada podes ensinar a un home; soamente axudarlle a atopalo por si mesmo.

* A matemática é o alfabeto co que Deus escribiu o mundo.

* No tocante á ciencia, a autoridade dun milleiro de persoas non é superior ó humilde razoamento dunha soa.

* A dúbida é a madre da invención.

* Digamos que existen dous tipos de mentes poéticas: unha apta para inventar fábulas e outra disposta a crelas.

* O seu lema era: "Medi-lo que é medible e tratar de facer medible o que todavía non o é".

* Xamais atopei unha persoa tan ignorante que non poida aprender nada dela.

* A maior sabiduría que existe é coñecerse un mesmo.

* "Eppur si mouve" (E nembargantes, móvese).

* O gran libro da natureza está escrito en símbolos matemáticos.

* Paréceme que quenes, en proba dalgunha afirmación, baséanse soamente no peso da autoridade, sen aducir ningún argumento no seu favor, actúan de xeito moi absurdo. Pola contra, eu desexo que se me permita preguntarvos libremente e contestaros libremente sen adulación de ningún xénero, como corresponde a quenes buscan a verdade.

 * Se logro ver máis lonxe é porque conseguín subirme nos ombros de xigantes. (Referíndose a Galileo Galilei)

* Se fixen descubrimentos inavaliables é por ter máis paciencia que calquera outro talento.

* O que sabemos é unha pinga de auga; o que ignoramos é o océano.

 * A imaxinación é máis importante que o coñecemento.

* A vida é moi perigosa. Non polas persoas que fan o mal senón polas que se sentan a ve-lo que pasa.

* O importante é non deixar de facerse preguntas.

* O meu ideal político é o democrático. Todo o mundo debe ser respetado como persoa e ninguén debe ser divinizado.

* Se previse as consecuencias tería sido reloxero.

* ¡Triste época a nosa! É máis fácil desintegrar un átomo que un prexuício.

* Vémo-la luz do atardecer laranxa e violeta porque chega demasiado cansada de loitar contra o espacio e o tempo.

* Eu xamais penso no futuro. Chega demasiado rápido.

* Xamais considére-lo estudio coma unha obriga, senón como unha oportunidade para penetrar no bello e marabilloso mundo do saber.

* Hai dúas cousas infinitas: o Universo e a estupidez humana. E non estou certo de que o primeiro o sexa.

* Todos somos moi ignorantes. O que ocorre é que non todos ignoramos as mesmas cousas.

* Se non o podo debuxar é que non o entendo.

* Hai unha forza máis poderosa que o vapor, a electricidade e a enerxía atómica: a vontade.

* O home atopa a Deus detrás de cada unha das portas que a ciencia logra abrir.

* Se a miña teoría da Relatividade é exacta, os alemáns dirán que son alemán y os franceses que son cidadán do mundo. Pero se non, os franceses dirán que son alemán e, os alemáns, que son xudeo.

* O home que perdeu a facultade de marabillarse é coma un home morto.

* Debe se simple para ser certo. Se non é simple, probablemente non poidamos descifralo.

* A arte máis importante do mestre é provoca-la alegría na acción creadora e no coñecemento.

* O que se erixe en Xuíz da Verdade e do Coñecemento é anodadado pola risotada dos deuses.

* As proposicións matemáticas, en canto teñen que ver coa realidade, non son certas; e, en canto non son certas, non teñen que ver coa realidade.

* O peor é educar por métodos baseados no temor, na forza, na autoridade, porque destrúe a sinceridade e a conficanza e soamente se consigue unha falsa sumisión.

* Unha velada na que tódolos presentes estean absolutamente de acordo é unha velada perdida.

* Manteño que o sentimento relixioso cósmico é a motivación máis forte e nobre para a investigación científica.

* Nas miñas teorías sitúo un reloxo en cada punto do espacio, pero na vida real apenas podo permitirme o luxo de comprar un para a miña casa.

* Recoñezo que son poucas as posibilidades de éxito, pero hai que intentalo... é a miña obriga.

* Xamais contempleis o estudio coma un deber, senón coma unha oportunidade de aprender para a vosa satisfacción persoal e para proveito da comunidade á que pertence o voso traballo.

* Toda a nosa ciencia, comparada coa realidade, é primitiva e infantil... e, sen embargo, é o máis preciado que temos.

* Se a xente é boa só porque temen ó castigo e porque esperan unha recompensa entón, verdadeiramente, somos un grupo lastimoso.

* Se ese ser é omnipotente, entón cada ocurrencia, incluíndo cada acción humana, cada pensamento humano e cada sentimento e aspiración humana tamén é a Súa obra; ¿como é posible pensar en facer responsable ó home polos seus actos e pensamentos ante tal Ser Todopoderoso? Ó dar castigo e recompensas, ata certo punto tamén se xulgaría a si mesmo. ¿Como pode esto combinarse coa bondade e xusticia que se lle adxudica?

* O pensamento lóxico puro non pode brindarnos ningún coñecemento do mundo empírico; todo coñecemento da realidade empeza coa experiencia e termina nela... Galileo comprendeu esto e, particularmente comunicoullo ó mundo científico; por iso é o pai da física moderna e, en verdade, de toda a ciencia moderna.

* Non existen suficientes experimentos que demostren que teño razón, pero basta un só para mostrar que estou errado.

* Moitos profesores gastan o tempo facendo preguntas para descubrir o que non sabe o alumno, cando a verdadeira arte de preguntar ten como fin coñece-lo que o alumno sabe ou é capaz de saber.

* Unha teoría é algo no que ninguén cre, excepto quen a formulou. Un experimento é algo no que todos cren agás quen o fixo.

 * A ciencia é a progresiva aproximación do home ó mundo real.

* Unha nova teoría non se impón porque os científicos estean convencidos dela, senón porque os que seguen abrazando ás ideas antigas van morrendo pouco a pouco e son substituídas por unha nova xeración que asimila as novas desde o comezo.

* O que chegou tan lonxe que xa non se equivoca, deixou tamén de traballar.

* A importancia da teoría da relatividade abarca tódolos fenómenos do microcosmos, desde os átomos que irradian ondas e corpúsculos, ata os movementos dos corpos celestes situados a millóns de anos luz.

* Ningunha investigación humana pode ser denominada ciencia se non pasa a través de probas matemáticas.

* Fuxe dos estudios cun resultado que morre co que os fixo.

* Non existen coñecementos máis elevados ou máis baixos, senón un coñecemento único que emana da experimentación.

* Moitos pensarán que teñen motivo para reprocharme, dicindo que as miñas probas contradin a autoridade de certos homes tidos en gran estima polas súas inextimables teorías, sen considerar que as miñas obras son o resultado da experiencia simple e sinxela, que é a verdadeira mestra.

* Os teóricos antigos chegaron á conclusión de que a facultade intelectiva que lle foi concedida ó home é estimulada por un instrumento co que están conectados os cinco sentidos por medio do órgano da percepción. A este instrumento chamóuselle "sentido común". Utilízase esta sinxela denominación por se-lo xuíz común dos outros cinco sentidos: vista, oído, tacto, gusto e olfato.

* Non é posible describi-lo proceso do movemento da auga se non se define primeiro qué é a gravitación e cómo se orixina e cesa.

* O movemento espiral e rotatorio de todo líquido é máis rápido na proporción á cercanía do centro de xiro. Este é un feito digno de terse en conta, posto que o movemento dunha roda é moito máis lento canto máis cercana está ó centro do obxecto en revolución.

*Son vás e están cheas de erros as ciencias que non naceron do experimento, nai de toda certidume.

* A ciencia máis útil é aquela co froito máis comunicable.

* Dádeme un punto de apoio e moverei a Terra.

* ¡Eureka, eureka!(¡Atopeino!)(Parece ser que o dixo correndo nu pola rúa ó resolver un problema proposto por Hierón, rei de Siracusa).

* Coñecémo-la verdade non soamente pola razón, senón tamén polo corazón.

* ¿Pode haber algo máis ridículo que a pretensión de que un home teña dereito a matarme porque vive ó outro lado da auga e o seu príncipe teña unha "querella" co meu aínda que eu non a teña con el?

* O home está sempre disposto a negar todo aquelo que non comprende.

* As ciencias aplicadas non existen, só as aplicacións da ciencia.

* A fortuna xoga en favor dunha mente preparada.

* Dimo e olvídoo; ensínamo e lémbroo; involúcrame e apréndoo.

* A chave que se usa constantemente reloce como a prata: se non se usa, énchese de óxido. O mesmo pasa co entendemento.

* Nunca houbo unha guerra boa ou unha paz mala.

* Todo home pode ser, se se propón, escultor do seu propio cerebro; o peor dotado é susceptible, do mesmo xeito que as terras pobres pero ben cultivadas e abonadas, de rendir copioso froito.

* Ó carro da cultura española fáltalle a roda da ciencia.

Leucipo

(século V a de C)

Demócrito

(século V a de C)

* Todo o que existe no Universo é froito do azar e da necesidade.

* O oposto a unha formulación correcta é unha formulación incorrecta. Pero o oposto a unha verdade produnda pode ser outra verdade profunda.

* Todo aquel que non queda fortemente impresionado pola teoría cuántica é porque non a entendeu.

* Contrariamente ó que pensa a maioría da xente, a ciencia non é nin moito menos un conxunto de libros; a ciencia é un método lóxico de proceder para adquirir novos coñecementos.

* Todos somos científicos cando somos nenos; pero ó medrar, só algúns conservan un pouco da curiosidade que é a nai da Ciencia.

André Marie Ampère

(1775 - 1836)

* Unha falsa ciencia fai ateos, unha verdadeira ciencia postra ó home diante a divinidade.

* A ignorancia afirma ou nega rotundamente; a ciencia dubida.

* A ciencia é coma a terra; soamente podemos posuir un pouco dela.

* Non estou de acordo co que dis, pero ata coa miña vida defenderei o dereito que tes de dici-lo que pensas.

* O esqueleto da ciencia son os feitos, pero os músculos e os nervios son o significado que se lles confire, e a alma da ciencia son as ideas.

* A ciencia ten unha característica marabillosa: aprende dos seus erros, utiliza as súas equivocacións para reexamina-los problemas e volve a intentar resolvelos, cada vez por novos camiños.

Iván Karamazov

(de Fedor Dostoievski)

* É posible que un crea que Deus pode facer voa-los obxectos, pero para voar de xeito seguro, e tódolos días, a ciencia tivo que inventar avións.

* Creo firmemente que un pobo máis culto é tamén un pobo máis libre.

Henri Poincaré

(1854 - 1912)

* O científico non estuda a natureza porque sexa útil; estúdiaa porque se deleita nela, e deléitase nela porque é fermosa. Se a natureza non fose bela, non valería a pena coñecela.

Sir William Henry Bragg

(1862 - 1942)

* Os físicos empregan a teoría ondulatoria os luns, mércores e venres, e a corpuscular, os martes, xoves e sábados.

(Referíndose á dobre natureza da luz e da materia)

Henry Needler

(1685 - 1760)

John Wesley

(1703 - 1791)

Alexander Pope

(1688 - 1744)

Se he interesa atopar citas non só científicas, aquí tes moitas: proverbia.