Unha educación de calidade basease en:

• Responder ás novas demandas sociais
  Mellora-la súa calidade de vida
  Igualdade, xustiza e oportunidades para todos.
  
  As Actividades Complementarias e Extraescolares contribúen a unha formación integral de tódolos alumnos/as.
  
  Permiten a participación da comunidade educativa, desenvolvendo valores que teñan moito que ver coa socialización, a participación, a cooperación, o respecto ás opinións dos demais, e asunción de responsabilidades. 

NORMATIVA QUE REGULA O DEPARTAMENTO DE ACTIVIDADES COMPLEMENTARIAS E EXTRAESCOLARES

DOGA – Nº 156- venres, 9 de agosto de 1996. Decreto 324/1996, do 26 de xullo, polo que se aproba o Regulamento orgánico dos Institutos de educación secundaria.

Capítulo III.- Artigo 61º ó 70º ámbolos dous inclusive. 
DOGA – Nº 168 – Martes, 2 de setembro de 1997.
Orde do 1 de agosto de 1997 pola que se dictan instruccións para o desenvolvemento do Decreto 324/1996 polo que se aproba o Regulamento Orgánico dos Institutos de educación secundaria e se establece a súa organización e funcionamento.

Artigo- 69, apartados a, b, c, d, e, f.

 DIFERENCIAS ENTRE ACTIVIDADES COMPLEMENTARIAS E EXTRAESCOLARES.
Considéranse Actividades Complementarias , aquelas actividades didácticas que se realizan co alumnado en horario lectivo e que, formando parte da programación , teñen carácter diferenciado das propiamente lectivas, polo momento, espacio ou recursos que utilizan.

• Así cabe considera-las:
  Visitas
  Traballos de campo
• Viaxes de estudio
• Conmemoracións

 Dado que se realizan dentro de horario escolar, o centro debe arbitra-las medidas necesarias para atender educativamente ó alumnado que non participe nelas.

No caso de actividades complementarias que suporían a saída do centro de alumnos menores de idade, requirirase  a correspondente autorización escrita dos seus pais/nais ou titores legais.  

  Considéranse Actividades Extraescolares    As organizadas polo centro e figurando na programación xeral anual, aprobada polo consello escolar están encamiñadas a potencia-la apertura do alumnado en aspectos referidos á ampliación do seu horizonte cultural, a preparación para súa inserción na sociedade,  e o uso do tempo libre.  

 Realízanse fora do horario lectivo, teñen un carácter voluntario para tódolos alumnos/as do centro.

 Non forman parte do proceso de avaliación polo que pasa o alumno para a superación das distintas areas ou materias curriculares que integran os plans de estudio.  

ORGANIZACIÓN DAS ACTIVIDADES COMPLEMENTARIAS E EXTRAESCOLARES  

A programación xeral anual – aprobada polo consello escolar, no DOC nº 7 – recolle o programa anual de actividades  complementarias e extraescolares que se vaian a realizar o longo do curso.

Nos I.E.S. estas actividades serán promovidas e organizadas polo xefe do departamento de actividades extraescolares (vicedirector), a tales efectos desempeñará as súas funcións (recollidas no artigo 66º do decreto 324/1996)  en colaboración cos distintos departamentos didácticos, xunta de delegados, APAS, Administracións locais e outras institucións.  

 PROGRAMACIÓN DAS ACTIVIDADES  COMPLEMENTARIAS E EXTRAESCOLARES

 A  proposta de programación de actividades complementarias e extraescolares que se eleven para a inclusión na P.X.A., para a sua aprobación polo consello escolar do centro comprenderá: 

• Denominación específica da actividade
• Obxectivos
• Horario, temporalización e lugar no que se desenvolverá
• Alumnos que participan ( cursos implicados)
• Departamento ou profesor/profesora responsable que a dirixirá, levará a cabo e participará en cada actividade
• Custo e fórmulas de financiamento das actividades, e no seu caso, achegas que se propoñen os alumnos e alumnas que participen nelas, como axuda de financiamento das mesmas.  

 INFORMACIÓN ÓS PAIS/NAIS DE ALUMNOS/AS

 Unha vez aprobadas polo consello escolar as actividades complementarias e extraescolares que vai a ofrece-lo centro debéraselles facilitar  ós pais /nais  dos alumnos información detallada sobre as mesmas.

 Segundo autorización modelo

 FINANCIAMENTO DAS ACTIVIDADES COMPLEMENTARIAS E EXTRAESCOLARES

Para a financiamento  dos gastos ocasionados pola realización destas actividades, os centros empregarán os seguintes medios para obtelos recursos económicos, logo da aprobación polo consello escolar:  

• As cantidades aprobadas polo consello escolar procedentes da asignación que o centro recibe da Consellería de Educación en concepto de gastos de funcionamento.
• As cantidades procedentes dos presupostos xerais da comunidade autónoma de galicia que poidan asignárselle ós centros con carácter específico para estas actividades.
• As cantidades procedentes de asociacións, ou calquera ente, público ou privado.
• As achegas realizadas polos usuarios: 
• Os usuarios contribuirán a financiamento das actividades tendo en conta o estipulado a tal efecto polo consello escolar.
• O consello escolar arbitrará as medidas oportunas para asumir total o parcialmente o pago de actividades de aqueles alumnos/as que se encontren nunha situación desfavorecida.
• Os ingresos que se obteñan por estes conceptos aplicaranse os gastos de funcionamento do centro.