1.1.-Relativos ó aproveitamento da actividade:

-Participar en actividades de tempo libre dun modo divertido e creativo.
-Gozar de actividades lúdicas e/ou deportivas, enriquecéndose culturalmente.
-Coñecer de xeito directo algún elemento do patrimonio cultural (histórico, xeográfico, artístico...)
-Aprender a desenvolverse en medios distintos dos habituais.

1.2.-Relativos á organización da viaxe.

-Aprender a organizar actividades colectivas, compartindo responsabilidades.
-Asumir responsabilidades, recoñecendo os propios errores e comprendendo os alleos.
-Respecta-los procedementos democráticos na toma de decisións.
-Fomenta-la solidariedade e o bo compañeirismo.
-Aprender a manexarse en certos mecanismos habituais na sociedade actual: envío de fases, organizar un presuposto e controla-la súa posta en marcha ( gastos, ingresos, facturas...), pedir información por teléfono, redactar cartas, instancias,.. etc.

2.-CONCEPCIÓN DA VIAXE:

Ten un carácter activo.
É unha viaxe organizada polos alumnos, coa colaboración do Departamento de Actividades Extraescolares e Complementarias.
A función do Departamento de A.E.C é a de orientar ós alumnos, respectando as súas decisións puntuais, sempre que non contradigan os obxectivos marcados para a viaxe.
A viaxe é indiscutiblemente, de carácter cultural ou deportivo.

3.-ORGANIZACIÓN DA VIAXE:

a) O Departamento de Actividades Extraescolares e Complementarias ofertará ós alumnos uns itinerarios posibles entre os que escollerán un. Estes itinerarios implicarán unha oferta cultural ampla e variada, ou ben estarán orientados a unha práctica deportiva.
b) Tódalas decisións relativas á organización da viaxe serán tomadas dun xeito democrático, e deberán ser respectadas por tódolos membros do grupo.
c) Os alumnos presentarán ó xefe do D. A.E.C. un plan temporizado e secuenciado das actividades encamiñadas a obte-lo diñeiro para a viaxe.
d) As actividades comezarán a principios do mes de decembro.
e) O grupo de alumnos reunirase periodicamente nalgún recreo. O xefe do D. A.E.C nomeará un presidente e un secretario. O presidente encargarase de presidi-las reunións; o secretario levantará acta dos acordos, así como das informacións oportunas.
f) Haberá un reparto igualitario de tarefas, de xeito que todos traballen para todos.
g) Ó final, os alumnos farán entrega ó Xefe do Dpto. Dun resumen das actividades realizadas, informando dos gastos e ingresos que supuxo para o grupo cada unha delas.
h) No caso de que algún alumno abandone a viaxe antes da súa realización, perderá, de tódolos xeitos, o diñeiro gañado para o grupo, e só poderá recupera-lo aportado en caso de que abandone a actividade por causa de forza maior.
i) Respecto ós acompañantes, se non houbera os profesores necesarios ( un por cada vinte alumnos), un membro da APA pode exercer tal papel.
j) Nas actividades, nas que se contemplan "guateques" e requiran o nome do centro, deberá figurar en sitio visible a palabra "sen alcohol".

• 4.-ACTIVIDADES PROPOSTAS PARA RECADAR FONDOS:
  
  Lotería de Nadal.
  .Realización de Guateques (sen alcohol).
  .Realización de Maratóns de Fútbol Sala.
  .Concurso de baile.
  .Realización de karaoke (concurso de canto).
  .Venta de camisetas e material relativo a viaxe.
  . Venta de caraveis no día de San Valentín.
  .Campionato de futbolín.
  .Porras.
  .Fotos das clases.
  .Aprende a "Xogar na bolsa"
  .Venta de cerámica.
  .Cine na biblioteca.
  .Pedir axuda económica a entidades financeiras, xuntas do monte, establecementos hostaleiros, etc.